Orange Elephant Thai Restaurant (博文街) (已搬遷) 新店位置

大角咀比我嘅感觉一直都系唔太方便，但系我时不时总会嚟揾食，皆因食物选择真系好多！同朋友好耐无见，佢之前食过呢间觉得好食，中间点拣左呢间分店。环境距离奥运站唔算远，都好易揾，店舖系长方形设计，其中一边有D木既装修感觉有少少日式FEEL。餐牌 酸辣去骨凤爪 $1 是日$1 特价菜式系酸辣去骨凤爪，就算系$1嘅份量绝对无儿戏，比到足，炎炎夏日，酸辣凤爪做头盘最好不过。 椰青焗海鲜饭 $104成枱都系椰青，份量惊人，堆到好高，椰浆饭一直系我最爱，带微甜好开胃，海鲜有鱿鱼、虾、青口，卖$104真系好抵。 冬荫公汤底明炉海鲜乌头 $169 将泰菜必食嘅两款𩠌加埋一齐，冬荫公+乌头，冬荫公唔太辣，重椰奶香，另附上一碗可以边食边加，乌头肉多骨少味道鲜，沾上冬荫公汤更惹味。 椰青 $42消暑必备，只只Size都好大。总括而言，好抵食，每日都有$1菜式，人均$200食到劲饱，抵食泰菜。