每日が日曜日 (已結業)

咁岩入大埔做野，就揾旧同事食LUNCH，因为大家都钟意拉面，所以佢推介左日曜日。可能时间仲早只系12：30，入到去时很一枱客，自己坐底斟水饮，系仲有冰碎既冻水，正。餐牌好简单，本来习惯第一次食既铺头都会点最基本既拉面先，但被佢个每日限定10碗既二朗系拉面吸引左。虽然系最贵$120，挣扎左又阵，再加上未食早餐，所以就决定挑战下。碗面既实物比佢手机点餐里边张相靓好多，亦都大碗好多，有点担心会食唔晒。帮碗面影左张后，就正式开始战斗。豚骨汤不过不失，面系中粗都系不过不失。背脂比较碎，一了开个面就消失系汤底。但胜在佢真系够二郎系，粗芽菜够多，椰菜都有，两都都系好爽口，捞埋落d面度食好正亦都令人觉得无咁腻。佢呢个叉烧口感同味都好正，笋唔多但算粗切好够味。仲有无入镜既半熟蛋都入晒味，蒜头够多，成碗感觉都叫满足。枱上有自制既昆布醋，可惜赶时间无法清到个汤，所以野清得晒，饮埋应该会顶胃😂。可以再食，会揾机会再入大埔。