海魂燒 (已結業)

好大雨之际喺天后入左呢间日本料理餐厅食晚饭，其实呢度都几容易揾，天后地铁站出左地面沿著电车站往炮台山方向行，见到几层楼咁高嘅行车天桥，呢间日本料理餐厅就喺喺呢条行车天桥下面了。叫左每天限量30碗，价值$88嘅鲷鱼汤乌冬，其中可以喺十款配料中(安格斯牛肉丶五花腩丶猪软骨丶炸单骨鸡冀丶芝士肠丶竹轮卷丶娃娃菜丶蟹柳丶金菇丶腐皮)㨂两款，食肉兽嘅我就拣左安格斯牛肉同埋五花腩，上枱时成碗乌冬热辣辣，奶白色嘅鲷鱼汤底鱼味十足，食乌冬之前我先大啖大啖咁饮左几啖鱼汤暖吓个胃，跟著就大啖大啖将安格斯牛肉同埋五花腩放入口食。餐牌上见到有串烧白鳝鱼，即刻叫左一份嚟食，因为真的喜欢食又厚肉又弹牙嘅鳝鱼，果然上枱时肉质肥美之余，连鱼皮亦烧得脆卜卜。