一品雞煲火鍋

营业中

休息中

趁老细放大假，同一班同事收工去食一品呢间分店唔知点解冇咁多人等，入到去仲有空位，Nice!我地叫左个小辣既鸡煲，之前食过小辣同中辣，发现小辣系比较入味，而中辣就岩钟意食辣既朋友啦。个鸡煲好足料的，最正系好多鸡块都好大旧，食落啖啖肉。炸午餐肉当然系必食的，佢个外皮煎到金黄色，外脆内软，一上枱我同另一女同事已经偷食左。鱼皮饺、猪润、芝士丸等都系必点，我特别钟意食鸡煲时食埋鱼皮饺，个饺皮会吸哂d汁，好惹味！虾滑、墨鱼滑都系必点，味道中规中矩啦。但得一个匙更仔，有多个会更好呢。点左只贵既牛肉，味道果然对得住佢个价，食落一d都唔觉肥，口感滑，肉质好嫩，唔觉唔觉就食左两碟。