影片
更多
2010-04-29
26 浏览
妈妈话要食日本野, 但又唔肯去多人既地区, 咁得返康怡广场既和民居食屋, 平日系唔驶等位既, 而且唔系贵, 可以试多几款食物食评如下 ~ 炸一口芝士 ~ $29 有 5 粒, 粒粒都劲多芝士, 但配一个味似士多啤梨果 Jam 既酱, 有点奇怪.炸鸡软骨 ~ $29 一碟, 份量都唔少, 但好多油, 好肥腻, 唔钟意!猪扒锅 ~ 都好大份, 上枱时连埋一个炉, 一路热住一边自己加鸡蛋, 好味! 石锅蒜香海鲜饭 ~ $49 好热, 要小心食, 有饭焦, o岩晒喜好食饭焦既朋友. 材料份量一般, 只系响饭面, 不过都 OK五目釜饭 ~ 其实系海鲜饭, 但食法较特别, 上枱时系汤浸住一 d 未熟既米粒, 要放响个炉仔上等佢自煮约 15 分钟先食得, 虽然几得意, 但饭熟后饭粒几硬几干, 麻麻地啰.鳗鱼釜饭 ~ 呢个鳗鱼釜饭都系要等 15 分钟等佢自煮, 但鳗鱼系分开上, 等到饭熟时, 鳗鱼已经冻晒, 大杀风景, 味道一般.和风一口牛肉 ~ $49 一客得 7 粒, 中间有一堆白箩卜蓉, 牛肉好香, 烧汁好正, 白箩卜蓉好清新, 食埋就可以中和返牛肉既热气, 呢个必食!笑来美饼(抹茶味 & 黄豆
食评如下 ~
炸一口芝士 ~ $29 有 5 粒, 粒粒都劲多芝士, 但配一个味似士多啤梨果 Jam 既酱, 有点奇怪.
炸鸡软骨 ~ $29 一碟, 份量都唔少, 但好多油, 好肥腻, 唔钟意!
猪扒锅 ~ 都好大份, 上枱时连埋一个炉, 一路热住一边自己加鸡蛋, 好味!
石锅蒜香海鲜饭 ~ $49 好热, 要小心食, 有饭焦, o岩晒喜好食饭焦既朋友. 材料份量一般, 只系响饭面, 不过都 OK
五目釜饭 ~ 其实系海鲜饭, 但食法较特别, 上枱时系汤浸住一 d 未熟既米粒, 要放响个炉仔上等佢自煮约 15 分钟先食得, 虽然几得意, 但饭熟后饭粒几硬几干, 麻麻地啰.
鳗鱼釜饭 ~ 呢个鳗鱼釜饭都系要等 15 分钟等佢自煮, 但鳗鱼系分开上, 等到饭熟时, 鳗鱼已经冻晒, 大杀风景, 味道一般.
和风一口牛肉 ~ $49 一客得 7 粒, 中间有一堆白箩卜蓉, 牛肉好香, 烧汁好正, 白箩卜蓉好清新, 食埋就可以中和返牛肉既热气, 呢个必食!
笑来美饼(抹茶味 & 黄豆粉味) ~ 各 $9, 虽然好平, 但要每人叫一客, 因一客只有5粒, 但好好味, 软林林而且好清新, 饭后甜品必选!
总括黎讲, 食物都 OK 啦, 系几十蚊价钱既质素啰.
服务方面, 每枱都有一个私家叫人钟, 侍应无得扮忙扮睇唔到, 一响钟即刻要黎到客人面前, 呢点最好, 侍应都几有礼貌既!
每人大约食 $100 啦, 唔系贵, 可以一试!
张贴
