南龍冰室 (已結業)

嚟呢度每次都一定要食菠萝油，胀卜卜嘅面包，脆卜卜嘅菠萝皮，冻冰冰嘅牛油(唔算好厚)。今晚连假晚市有啲手忙脚乱，影响上菜嘅速度（平时客唔多上得好快），但唔影响食物嘅质素！叫咗个非常之普通嘅常餐，叉烧意粉火腿奄列菠萝油，再叫咗个焗鸡扒饭。我好欣赏佢个汤底系青红萝卜粟米汤，唔系味精汤，第一次食汤粉会饮晒成碗汤，一滴不留。意粉口感几好，叉烧好瘦好硬，不过味道够甜。焗饭等左廿分钟先到，期间有staff主动行过嚟话帮我哋催下（我个汤意都就黎食完）。不过个饭一上枱，即刻有种「值得等你咁耐」嘅感觉！新鲜出笼香到隔离枱都闻到！面头系满满芝士，热辣辣嘅泡泡好似仲煮紧咁，啲芝士拉丝架！Staff平均年龄比较后生，服务同态度都几好，冇「港式茶餐厅」𠮶种压迫感，甚至有笑容，同啲客讲下笑添。