School Food (已結業)

SchoolFood系本人最中意食既其中一个餐厅，耐唔耐都会去食一次，希望可以试晒佢menu上既所有食物。太古既依间school food 开响溜冰场既隔离，好易揾。3个人总共嗌左4样野食，望落份量好似好少，但食晒都觉几饱下（可能我地都系细食既人）。第一道菜系牛肉饼，依间既牛肉饼同出面好唔同，佢外面既饼皮系林既，岩晒我口味，口感似系食紧汉堡包咁。第二道菜系牛肉卷，外面包左层好簿既蛋皮，令到个手卷既口感好突出，好有惊喜，而且蛋皮同紫菜又出奇地夹。第三道系黑松露意粉，但黑松露味唔系好重，入面有加埋韩国年糕。最后一道系冷面，冷面系每次都会点既，其实唔系话突别好食，只系中意佢有少少酸酸地，觉得几开胃。最后要讲既系入面既员工服务态度都好好，值得一赞！