影片
更多
2023-05-05
577 浏览
上年网上社交媒体群组介绍食鱼驰名，同朋友食咗几次，因上枱太好食太正唔记得影相，所以冇写食评。今日去屯门医院覆诊完，约下午一点半左右，坐轻铁到兆康站转西铁到元朗，到朗屏站落车步行去到约两点。本身想食鱼，但又想试下佢其他厨房嘢质素，谂住留待下次两个人再去时，叫两款鱼餐时捞乱食仲正。入到去除咗我之外，只有两枱食客堂食，及一啲外卖自取熟客。比平时我夜晚去人少，生意确系难做 ! 我叫咗韮菜虾仁炒蛋饭，先有碗热辣辣中式例汤饮，应该系白、红萝卜煲猪骨，唔错几好饮唔颈渴。冻奶茶同时上味道偏淡，但淡奶系非常足够滑。等咗约 8 分钟碟饭上枱，厨房加咗甜豉油好开胃，但我都系嫌啖加咗几滴、枱面摆放嘅李锦记鲜味生抽，加完更加惹味成碟食哂 ! 之后慢慢饮埋杯冻奶茶，慢慢坐到员工午饭摆枱前，我识做要求先埋单唔好阻佢咃食饭，我就用八达通消费劵埋单，再坐多一阵就离去，到附近买全元朗最便宜蔬菜。 之前食过香煎马友，煎得好均匀唔油好干身香脆，但用筷子夹落肉好鲜嫩，加上碟边伴有香葱、蒜片、葱花、芫茜，及甜豉油熟油，倒小匙羹伴碟甜豉油落白饭，超级开胃好食。另外又食过豉汁蒸鲳鱼、果皮蒸泥鯭、及香煎牙带鱼都非常好食，价钱大约六十几
今日去屯门医院覆诊完，约下午一点半左右，坐轻铁到兆康站转西铁到元朗，到朗屏站落车步行去到约两点。本身想食鱼，但又想试下佢其他厨房嘢质素，谂住留待下次两个人再去时，叫两款鱼餐时捞乱食仲正。
入到去除咗我之外，只有两枱食客堂食，及一啲外卖自取熟客。比平时我夜晚去人少，生意确系难做 ! 我叫咗韮菜虾仁炒蛋饭，先有碗热辣辣中式例汤饮，应该系白、红萝卜煲猪骨，唔错几好饮唔颈渴。冻奶茶同时上味道偏淡，但淡奶系非常足够滑。等咗约 8 分钟碟饭上枱，厨房加咗甜豉油好开胃，但我都系嫌啖加咗几滴、枱面摆放嘅李锦记鲜味生抽，加完更加惹味成碟食哂 !
午餐 (韮菜虾仁炒蛋饭) $50元「送中式例汤 + 冻奶茶冻饮加 $2
$52
72 浏览
0 赞好
0 留言
韮菜虾仁炒蛋饭 + 冻饮 $2
$52
21 浏览
0 赞好
0 留言
之后慢慢饮埋杯冻奶茶，慢慢坐到员工午饭摆枱前，我识做要求先埋单唔好阻佢咃食饭，我就用八达通消费劵埋单，再坐多一阵就离去，到附近买全元朗最便宜蔬菜。
之前食过香煎马友，煎得好均匀唔油好干身香脆，但用筷子夹落肉好鲜嫩，加上碟边伴有香葱、蒜片、葱花、芫茜，及甜豉油熟油，倒小匙羹伴碟甜豉油落白饭，超级开胃好食。
另外又食过豉汁蒸鲳鱼、果皮蒸泥鯭、及香煎牙带鱼都非常好食，价钱大约六十几近七十蚊起。去开街市睇冰鲜牙带鱼，短过手掌最平都约 $30~35元一条。呢度煎得好靓屋企家生煎唔到，加上例沙及饮品，现场堂食空间虽然唔大，但枱櫈唔浅窄坐得好舒服，仲有各类电子收费相当方便。
绝对推介中意食鱼人士，相信元朗区最抵食、及整得唔错之一，绝对值得推荐 !
题外话/补充资料：
上枱有一杯估计系青柠水，枱面上食具都干净、最好就系有埋餐纸巾任取。
备有各类电子收费系统、八达通、支付宝、及微信支付等等都有，非常方便。
(以上食记乃用户个人意见 , 并不代表OpenRice之观点。)
张贴
