小食堡 (已結業)

每次经过都有条人龙系度，今次经过见到只系得一个人等紧就即刻摄埋去买黎试下啦，我见啲人主要都系买啲炸野，同埋每次经过都总系有啲好香既炸味，所以今次我主要都系拣啲炸物！我今次拣左炸烧卖，煎酿三宝（茄子，红肠，青椒，鱼蛋）同埋炸鸡髀，原来叫好左之后佢就即刻炸，难怪每次都有条长龙！上面就系炸烧卖同埋煎酿三宝，炸烧卖脆卜卜咁超好食，外脆内软咁无得输！而煎酿三宝虽然唔系我食过最好食，但系新鲜热辣即刻整黎讲，诚意已经满分！佢仲配埋有个甜甜地既豉油，其实唔加都好有味既，不过加埋就会更加有风味！至于个鸡脾虽然唔算好大只好多肉果只，似系小店自家制既果种，但个味黎讲其实唔错，但因为佢个size偏细，一只真系唔多够喉！整体黎讲，新鲜热辣即叫即整已经值回票价，加上而家呢啲小店买少见少，我一定会继续帮衬，等佢地可以继续生存！