影片
更多
2023-06-19
109 浏览
每次行过新都城都闻到香喷喷卤水味，想试好耐！今晚收工行过见到咁多人帮衬，我都忍唔住试吓先～Lunch食饱得滞，见唔系好肚饿，就净系叫咗三样嘢食试下…（1）卤水拼盘 - 金钱肚、花枝丸、萝卜配 葱油卤汁拌面牛肚嘅质地又嫩又有𡁻口，花枝丸够晒弹牙。卤水好香之余仲有少少辣味，再加上清甜爽口嘅萝卜，成个拼盘非常开胃。（2）而打渌卤汁拌粉面条够硬身，卤汁嘅甜咸两味，仲有葱油嘅香浓，两种味道沟埋一齐嘅感觉好夹，果然面系卤水食材嘅最佳拍档！（3）手撕鸡冷面冷面嘅感觉冰凉清爽。手撕鸡已经搣成细细嘅丝状，嫩滑又容易入口。旁边仲有爽口嘅莲藕片衬托，成个面嘅感觉软硬兼施，口感非常好。除咗口感之外，个冷面嘅灵魂——酱汁味道都非常丰富。除咗麻酱嘅惹味同葱花嘅香之外，另外仲有一种微妙嘅酸味，为成个面增加咗更多嘅层次。呢间卤水店嘅质素几高，一定会再帮衬👍🏻下次试过佢嘅其他出品之后再推介俾大家😋
Lunch食饱得滞，见唔系好肚饿，就净系叫咗三样嘢食试下…
（1）卤水拼盘 - 金钱肚、花枝丸、萝卜配 葱油卤汁拌面
牛肚嘅质地又嫩又有𡁻口，花枝丸够晒弹牙。卤水好香之余仲有少少辣味，再加上清甜爽口嘅萝卜，成个拼盘非常开胃。
（2）而打渌卤汁拌粉
面条够硬身，卤汁嘅甜咸两味，仲有葱油嘅香浓，两种味道沟埋一齐嘅感觉好夹，果然面系卤水食材嘅最佳拍档！
（3）手撕鸡冷面
冷面嘅感觉冰凉清爽。手撕鸡已经搣成细细嘅丝状，嫩滑又容易入口。旁边仲有爽口嘅莲藕片衬托，成个面嘅感觉软硬兼施，口感非常好。
除咗口感之外，个冷面嘅灵魂——酱汁味道都非常丰富。除咗麻酱嘅惹味同葱花嘅香之外，另外仲有一种微妙嘅酸味，为成个面增加咗更多嘅层次。
呢间卤水店嘅质素几高，一定会再帮衬👍🏻下次试过佢嘅其他出品之后再推介俾大家😋
张贴
