興隆泰國美食

营业中

休息中

每次去亲九龙城就一定会食既泰国菜，有时仲要为左食佢，专登入九龙城，吸引力大到呢耐唔耐就心思思想食泰国菜，但奈何唔系间间都岩心水，而兴隆就系食咁多次，都觉得好好食既一间，每次必叫既生虾，虽然份量比初初食既时候少左啲啲，不过都无阻我对佢既喜爱，点生虾既汁更令我越食越想食！泰式烧肉炒椰菜苗同香叶肉碎炒饭又系必食之选，总觉得其他地方既味道始终系争小小，成日都觉得兴隆既系好食啲，今次仲食左串烧同椰汁鸡汤，串烧就鸡肉会比较好食，点埋个酱，简直一流。而椰汁鸡汤就带有类似冬荫公既酸味，都唔错既，不过我就钟意饮冬荫公多啲。