小甜谷 Dessert Kaffee (已結業)

今日星期日，难得Daddy放假，就梗系要同佢去撑下枱脚啦😛我地惯咗早食饭，所以6点就去铜锣湾睇下食咩，经过谢菲道嘅时候，Daddy竟然话想试下小甜谷😂既然平时钟意食中式嘅Daddy都想试下新野，我梗系无所谓啦。虽然只系啱啱开始晚市，但一向高人气嘅小甜谷已经坐满咗7成～装修比人好舒适嘅感觉，可以系铜锣湾呢个闹市放慢下脚步。又有新搞作，今次系窝夫Pizza，听落好奇怪，但个idea都几新颖～但我就唔系好肚饿，所以同Daddy share咗一个意粉，自己再叫多杯野饮同雪糕就算😛北海道软壳蟹忌廉意粉（$128）卖相好吸引，软壳蟹切开一半置于意粉上面，睇落份量都几多！软壳蟹炸得颇香脆，入面比较松化，但啲油可能唔够新鲜，略嫌深色咗少少。个意粉好香牛奶忌廉味，食落好creamy😋😋有少少香草同黑椒，份量唔多，啱啱好，唔会抢咗忌廉嘅味👍🏻仲有好多蟹籽粒黏住啲意粉，食落去脆卜卜，口感层次提升。份量足👍🏻新意粉不错，like～我叫咗杯热薄荷朱古力（$38），薄荷味好突出～而朱古力味都好浓，但又唔会抢咗薄荷嘅味，不过就甜咗啲。呢排天气咁热就梗系要食下雪糕消暑啦！宇治抹茶白玉新地（$45）一开始以为得白玉同啫