牛角日本燒肉專門店 (已結業)

我地三个人食下就既七折下午茶时段，大约2点-5点，7折左真系好鬼抵，三个人夹埋都系埋175蚊到，佢点餐个个方式真系新奇又得意，佢系用tablet黎落单，而且简单易用，我地分别叫左两个烧肉c餐同一个烧肉b餐，啲野食好快就黎到。烧肉都有两种汁，一种系烧肉汁，一种系盐酱，个人就钟意食佢个盐酱多D，因为佢系比较咸一啲，送埋佢个牛角饭简直一流，而烧肉汁就系有少少甜甜地，唔钟意咁重口味既人都可以试下。至于个牛角饭，其实都系紫菜饭，有D人会觉得好唔抵，因为要加12蚊，但食落其实比白饭系好食D，加上佢系可以任添，所以每次都食到停不了饮品方面就系有杯叫姜味汽水，感觉几清新，又几好味。