小巴黎越南餐廳

营业中

休息中

由细到大都住呢区，小巴黎都算其中一样回忆，以前细个确系常常帮衬，到人大左，先唔好讲有冇能力，就算差唔多价位，都仲有其他茶记选择，孚都好耐冇再食过呢间餐厅。今日独自晚饭，可能系周五啦，屯市嘅餐厅都几多人，一枝公谂住求其食啦，食乜都得，于是行番过黎华都呢边。骤眼望入黎就唔系好多人，唔再行黎行去喇，好好丑丑都系一餐。坐低点菜冇耐就听到前面有枱客好似因为冻奶茶里面有昆虫而扰攘紧…唉，每次黎都同自己讲冇下次。座位又逼，啲呀姐又无礼貌唔忧做，啲钱咁辛苦揾番黎，无谓贴钱受气啊，亲。点左个鸡翼河，极速上枱，鸡翼三只，冇乜特别，唔难食。河粉份量睇落几多，其实不然，食完好快会肚饿。汤底咸到冇朋友，不过由于刚啱喉咙唔舒服，唔想饮野，其后都忍唔住要狂灌水。总结一句，有得拣都唔好黎喇。