慶麵 (已搬遷) 新店位置

每次经过庆面都见到出面排哂队，又见铺出面贴左好多访问报道，所以一直都好好奇系咪咁好食呢。今日见唔系太多人排队，就谂住黎试下。喺门口等紧时候，个侍应已经比定张menu单，所以入去坐底等左无耐已经有食物上台。我叫左红烧猪软骨捞面。面同猪软骨系分开上，分量都几足够。觉得佢啲面几好食，都几弹牙。啲猪软骨嘅酱汁甜甜地咁，再捞落啲面度真系好正。我都捞左大半碗酱汁。不过猪软骨方面就觉得如果再煮淋少少会更好。除左个面之外佢仲包左一罐饮品，都系可乐、雀巢柠檬茶𠮶啲。整体黎讲，觉得依个面真系几好食，如果我下次黎都会再encore。见到隔离好多台都有叫生煎包，佢个包底煎到好焦脆咁，望到都觉得好吸引，下次一定会点黎试。