Blue Brick Bistro (已結業)

曾几何时Blue Brick Bristo系要早三至四星期订台食个lunch , 个热潮至少last 足大半。当时水准好ok ge, 今日行过，心思思想食，一问竟然有walk-in, 点知就中伏。Walk in 得户外位坐，虽然热，不过冇阳光直射就算。点左个香煎比目鱼同清酒煮蚬榄油意粉，一等，就等左廿分钟。睇得出佢楼面完全唔够，忙到踢脚，个前菜就一早上左，冇咩特别，唔算好食。盼星星盼月亮，主菜上场，一望，份量好少，比以前更少。我抱住可能好好食既心态去吃，比目鱼系煎得ok ge, 皮脆肉都嫩，系太多水唔太够味。不过作为主菜就一定唔值200蚊套餐应有既水平，无论量同质。个意粉就真系算数，蚬肉少、意粉干又冇味，真系两啖已经想放低。唯一冇变既系个南青山忌廉蛋卷，始终如一，好食既，尤其个cream 。个蛋卷单点都成70 80, 个套餐有一半吸引力系黎自佢。咁都唔提等多廿分钟先有餐饮甜品上，又多十分钟先埋到单。唉，失望，真系差左好多。