魚米家魚湯米線 (已結業)

Weekend 下午三点三， 下午茶时间，车水马龙，通街都系人，想话揾个落脚点食餐安乐茶饭都唔系咁容易。偏偏就系呢间鱼米家，仲有唔少空位，喺冇得拣嘅情况下，唯有入座。最后我选择了墨丸鸡翼鱼汤米线，35蚊一碗，价钱算系合理。墨丸细细粒，有咬口 ，带有香浓猪油味， 食落仲几香口；但系鸡翼炸过龙 ，好干身，浸落汤之后更见劣质。而佢标榜嘅鲜鱼汤，老实讲系冇乜鱼味，比起几年前淡咗好多，明显系加水加过龙，饮多几啖仲会发现非常口渴，真系好想知究竟佢用咩鱼煲嘅...不过35蚊茶餐，仲包一杯热饮，咁嘅价位，叫做不过不失啦。