影片
更多
2023-10-15
1351 浏览
呢间黄店都食过几次，初初嚟嘅时候要排队，之后每次嚟嘅时候越来越少人等位，今日嚟到嘅时候大把吉位，唔通个市道真系差咗咁多🤨难得劝到老人家放弃传统酒楼，过嚟点心店，点知。。。叫咗点心拼盘，蒸饭，转咗个汤。首先我食咗一啖潮州粉果，咁味道咁怪嘅？！我就俾比老人家试下个味，老人家都系话酸嘅，我谂住同个侍应讲，老人家竟然制止我，话出嚟食嘢系咁，我话梗系唔得啦，我唔出声，下一个食客又食到酸㗎㖞！！最后叫咗个侍应过黎，佢话会叫厨房试吓味同埋换过第二啲嘢俾我，咁ok 啦，咁嘅处理方法。南瓜凤爪排骨蒸饭嚟到嘅时候，老人家第一句就话凤爪啲颜色咁嘅，橙色，咁凤爪一定会落啲色素嘅，其他酒楼啲凤爪都系啡色，只不过呢度系橙色。炖汤个盅崩咗几个位置，不过我哋都系不落个细碗到。到我食呢个包，谂住搣开张纸，发现有条啡色L形嘅物体系张纸度，我第一下就谂曱甴脚！老人家又话唔系，又叫我唔好咁多事，因为我真系好想叫个侍应嚟睇吓究竟啡色L形嘅物体究竟系咩？？？算，老人家话出嚟食嘢系咁，咁算啦，埋单就算。埋单出左门口，老人家话连菜饺都酸。。。呢刻好嬲，嬲个老人家埋左单先出声，仲嬲埋自己，特登带佢黎试点心店，结果系咁！返到屋企，老人家
难得劝到老人家放弃传统酒楼，过嚟点心店，点知。。。
叫咗点心拼盘，蒸饭，转咗个汤。
首先我食咗一啖潮州粉果，咁味道咁怪嘅？！
我就俾比老人家试下个味，老人家都系话酸嘅，
我谂住同个侍应讲，老人家竟然制止我，话出嚟食嘢系咁，我话梗系唔得啦，我唔出声，下一个食客又食到酸㗎㖞！！
最后叫咗个侍应过黎，佢话会叫厨房试吓味同埋换过第二啲嘢俾我，咁ok 啦，咁嘅处理方法。
南瓜凤爪排骨蒸饭嚟到嘅时候，老人家第一句就话凤爪啲颜色咁嘅，橙色，咁凤爪一定会落啲色素嘅，其他酒楼啲凤爪都系啡色，只不过呢度系橙色。
炖汤个盅崩咗几个位置，不过我哋都系不落个细碗到。
到我食呢个包，谂住搣开张纸，发现有条啡色L形嘅物体系张纸度，我第一下就谂曱甴脚！老人家又话唔系，又叫我唔好咁多事，因为我真系好想叫个侍应嚟睇吓究竟啡色L形嘅物体究竟系咩？？？
算，老人家话出嚟食嘢系咁，咁算啦，埋单就算。
埋单出左门口，老人家话连菜饺都酸。。。
呢刻好嬲，嬲个老人家埋左单先出声，仲嬲埋自己，特登带佢黎试点心店，结果系咁！
返到屋企，老人家肚屙左，keep住肚痛左几日，我就keep住扭肚痛两日，应该我食左变酸嘅点心唔多。
总结无下次！
8 浏览
0 赞好
0 留言
6 浏览
0 赞好
0 留言
25 浏览
0 赞好
0 留言
8 浏览
0 赞好
0 留言
张贴
