Outback Steakhouse (翡翠明珠廣場) (已結業)

Outback Steakhouse原本在我心目中都有一定位置，但近数次惠顾佢哋嘅午餐Day Menu都好失望，直至昨天真系按奈不住，点了4个Set，包括$268 Ribeye, $168黑毛猪扒, $138大虾Pasta, $$78 Kid Ribs。除左个Ribs同Pasta正常外，份Ribeye同黑毛猪扒直情可以话摆唔入口。先讲份Ribeye，叫5成熟，嚟到俾尽3成，块扒只有微温，连暖都称唔上，好戏嚟喇，成块扒啲筋多到不得了，如果几十蚊嘅午餐，我会明将价就货，但连加一收成$300，加上大型连锁，点讲得过去，对上数次嚟已有呢个情况，但不严重所以就算，今次真系接受唔到，所以直头email投诉。到黑毛猪扒，叫基本嘅7成熟，嚟到边位肯定十成熟，但近骨嘅位置就唔熟，然后块扒柴到又系摆唔入口，口感似擦胶，用刀锯极都唔开，真系超失望！唔知佢哋公司会点回覆我，但我都几肯定短期内唔会再帮衬。