Mela Italian & Spanish Cuisine (已搬遷) 新店位置

今晚同朋友仔食观塘，识得食要唔怕行入工厂大厦揾嘢食。睇食评见到间餐厅好似几好，就订个枱试下。星期五晚预早一日订枱，2个人俾左张4个靠窗边的枱我地，真系好，可以睇下小小外面的境。枱同枱之间都几阔落，楼底又高，不过人多讲嘢，餐厅似终有啲嘈。讲返啲嘢食，有心理准备份量唔算大碟，所以2个人都黯多几款菜色先~前菜: 鹅肝多士，估唔到得1件……但系件鹅肝外脆内软，有好丰富的油香。多士亦好脆，同鹅肝好夹。Tapas:墨鱼汁焗鱿鱼，鱿鱼有鲜味，煮的时间刚刚好。蒜蓉白酒煮蚬: 蚬肉好大只而鲜甜，而蒜蓉的味道亦无抢走海鲜的鲜味。Appetizer 西班牙海鲜饭(细): 首先食个饭，饭的汁同味道都令人有想再食的感觉，反而海鲜变左配角。主菜西班牙乳猪: 猪肉真系好嫩滑，皮又香又脆，好惹味。令人唔怕食多几件。配合黑松露汁，减去油腻感之余亦带出鲜味。唔够饱，再加点牛肋骨： 平时见到的牛肋骨都未见过咁大条牛肋骨（7成），脂肪分布均衡，肉妻结实。食左咁多，虽然每人500几蚊，喺嘢都几好食，系份量少左啲啲，但整体黎讲食物都好出色2