有得餃 (已搬遷) 新店位置

建业街系食街黎，两边马路全部食肆，喺泗记食完碗蒸饭，再行几步就系有得饺，入去食碗饺当round 2，仲有世界杯睇添。见到好多客嗌面食，都有啲心郁，但系上半场已经食咗个饭，食唔落啦，于是点咗8粒芹菜猪肉饺，估唔到净饺唔只冇面，系连汤都冇。食落饺皮略厚，馅料算足，不过芹香盖过哂肉味喇，其中一两只仲食到有类似碎骨嘅异物，真系好一般。食食吓发现好多人叫醉鸡翼，唔争在叫埋，食净打包啫。呢只鸡翼就全晚最佳球员喇，37蚊8只，数量上已经好抵叫，谂住数量多即系好细只？结果好大只。谂住大只即系唔入味？结果又好入味、好有酒香。埋单时睇到墙上剪报，原来呢间野仲投咗美食车黎做，真系估佢唔到。