柳園菜館 (已結業)

星期六去历史博物馆睇展览，多人到嗨嗨，顺便去呢间有螺蛳粉食嘅中菜馆试吓。一上到去，哇，会唔会又少人得滞，真系贯彻到我包场嘅作风。嗌咗碗螺蛳粉同埋醉鸡set lunch，螺蛳粉有浸旧式士多嘅气味，有啲人觉得臭，但我又几中意闻。食落只系一碗好普通嘅辣米线，仲要米线份量好少添。佢啲配料种类系多，但系份量唔够喇，如果落多一半酸豆角，碗野一定惹味好多。加咗十蚊要个猪肚做𩠌，真系少到试食咁㖞，口感亦都太腍喇，冇猪肚应有嘅弹牙，唔合格。至于醉鸡饭，佢个整法好特别，系落咗桂花糖水嘅，基本上系比甜味冚过咗大部分嘅酒味，对香港人口味黎讲，应该唔太讨好，我就觉得还可以啦。连埋罐可乐，埋单120有找，其实算平，但见佢星期六都咁淡，相信比较难挨。