Fork Eat (已結業)

上次去松记途中，接到forkeat嘅传单，咁就去试下，去到先知道又系包场，又系得两张櫈一张吧台。本来想叫鸡，但一定要半只起计，百几蚊，放弃咗。叫个咩usda烤牛小排温泉蛋饭。牛肉片几生，应该得大约3成熟，但冇血水，色泽鲜明，脂肪几均匀（睇相），配少少沙律醋，口感相当好，牛肉味几浓，份量亦都算多。温泉蛋蛋黄几杰，蛋味一般啦，饭系黄姜饭黎，算煲得几好食，颗粒分明。但系唔够饱......叫多咗个焦糖蛋布甸，好似食紧蛋味mousse咁，浓过只温泉蛋，甜度恰到好处，好食。埋单80蚊，用餐期间好多人黎买外卖 / 订到会，似乎都几好生意，呢间绝对有下次。