Plat du Jour (已結業)

又黎到每月一豪嘅环节，去咗鲗鱼涌呢间食法国菜嘅餐厅，贪佢啲菜式睇落好似比较特别，但其实法国菜系咪真系食呢啲，我系冇乜研究的。嗌咗2个set，其中一个包甜品（即系2+3courses），第一个头盘系蒜蓉牛油焗田螺配法包，咁样整，惹味系基本要求啦，田螺肉比较腍，唔够弹牙，反而将蒜蓉搽上面包度食仲好食。另一个头盘系煎北海道带子配烟肉青豆汁。同田螺一样，主角一般但个汁好食，可能因为啱啱食完蒜蓉，感觉佢味道淡咗啲。主菜系烤羊臀肉配薯蓉·迷迭香汁，点菜嘅时候，净系睇到个名都觉得膻，就专登嗌黎试吓，一食果然非同凡响。羊肉，仲要臀肉，真系好重口味，所以如果太多羊肉味，迷迭香就冇订企啦，完全食唔到个汁喺边度。另一个主菜系厚切猪扒配苹果白兰地汁，上面果堆菜丝系有个名堂嘅，但味道唔特别，所以只系记得佢系堆菜丝。猪扒本身肉味几浓，比起个羊臀，猪肉嘅味道真系中庸之道黎，但系个汁都系偏淡，只有小小苹果味。最后甜品要咗心太软配雪糕，呢个出色！心太软个壳够滑，唔会好似沟饼碎咁样食落鞋口，软心唔太甜，唔漏。至于上面插住枝蜡烛，口感唔清楚，但个火唔吹唔熄，一吹就熄，都值得一赞。其实卜台嘅时候有讲系纪念日庆祝，所以佢个甜品