連和燒豬餐廳

营业中

休息中

喺中环返工，呢间系我最钟意嘅一间烧味档。可能冇乜人气，所以唔使长期排队，除咗放饭时间可能要等一阵，不过如果买外卖就一啲都唔影响。店内有指定的平价烧味饭，去中环$55竟然食到一餐烧味饭。仲要质素唔差，都几好食！佢有个烧味拼盘，有油鸡，烧鸭，烧肉，叉烧同熏蹄，加$20有埋烧鹅添。外卖返屋企，用气炸锅翻热返依然好食。食物质素好好，不过服务上相对就冇咁好啦。我去𠮶日店员讲嘢劲细声我要佢重复佢又唔耐烦。不过香港依家茶餐厅好似都差唔多就算数啦，最紧要都系嘢食好食，又唔使好似一乐咁排队。