影片
更多
2013-07-08
255 浏览
首先要澄清一吓... 自从OpenRice版面变更后，每次喺写食评时都要小心d，特别系加入喊笑面时，因为d喊笑面好容易走位，正因为呢个原因，一个"嬲面"就无啦啦喺我上次写比名点嘅食评开头度，好似一开始就要弹佢嘅食物咁？！真系真系唔好意思啦！！基本上，名点嘅点心大部份都好正，只不过喺第一次买时等得太耐，或者当日厨房太忙呱？！如果唔系，我之后都唔会再帮衬咗几次啦！而且佢嘅水准都保持到添！最近名点仲有网购半价，真系好抵，于是一见到就买咗多张慢慢叹！我哋依家已好醒目，会预先电话落单后取点心，加上佢哋出点心时间真系快咗好多，所以食得好开心呀\^o^/ !!今日又用半价Groupon买名点。1. 咸水角：每次都keep住水准，大大件，外皮烟烟韧韧，馅又足料，正！2. 春风得意肠：必定encore ，肠粉包住油炸鬼、肉松，萝白丝，好好味！3. 煎萝白糕：大大件又足料，好味抵食！4. 蜂巢芋角酥：每次必选点心，外皮非常松脆，馅料好正，又系够大件，师傅必记一功！正正正！5. 鲜虾菜苗饺：第一次食，每件有一只好爽嘅大虾，但菜苗应该系小唐菜，有d失望，味道淡如无味，而且饺皮较厚及湿，一夹就黐到烂哂！6.
自从OpenRice版面变更后，每次喺写食评时都要小心d，特别系加入喊笑面时，因为d喊笑面好容易走位，正因为呢个原因，一个"嬲面"就无啦啦喺我上次写比名点嘅食评开头度，好似一开始就要弹佢嘅食物咁？！真系真系唔好意思啦！！
基本上，名点嘅点心大部份都好正，只不过喺第一次买时等得太耐，或者当日厨房太忙呱？！
如果唔系，我之后都唔会再帮衬咗几次啦！而且佢嘅水准都保持到添！
最近名点仲有网购半价，真系好抵，于是一见到就买咗多张慢慢叹！
我哋依家已好醒目，会预先电话落单后取点心，加上佢哋出点心时间真系快咗好多，所以食得好开心呀\^o^/ !!
今日又用半价Groupon买名点。
1. 咸水角：每次都keep住水准，大大件，外皮烟烟韧韧，馅又足料，正！2. 春风得意肠：必定encore ，肠粉包住油炸鬼、肉松，萝白丝，好好味！
3. 煎萝白糕：大大件又足料，好味抵食！
4. 蜂巢芋角酥：每次必选点心，外皮非常松脆，馅料好正，又系够大件，师傅必记一功！正正正！
5. 鲜虾菜苗饺：第一次食，每件有一只好爽嘅大虾，但菜苗应该系小唐菜，有d失望，味道淡如无味，而且饺皮较厚及湿，一夹就黐到烂哂！
6. 烧卖：又系不二之选点心，卖相好靓，除咗上面有只大虾外，馅入面都有只大虾同少量猪肉，好甜好爽口，超正！
7.凤爪排骨饭：饭蒸得好干身，但又唔会太硬，排骨用瘦个种，唔会蒸到油淋淋，最钟意佢有两件凤爪，同佢只豉油仲好好味呀！其实食咗几次，都试过名点嘅点心七七八八，真系比起一般酒楼嘅水准高好多。
张贴
