影片
更多
2017-11-11
368 浏览
呢间韩烧装修走型格工业风，有粗犷 o既墙身、嵌o左铁线o既磨砂玻璃、黑色o既铁框同铁丝网，仲有铁桶做凳(有箍笋o既，d 凳可以打开揼d 袋入去)，令到d 抽气管巧妙地完全融合o左o系个整体设计style 入面。铺头细细，无乜油烟，感觉好干净。一边有两部大电视，其中一部成晚环回播住K-pop mv，睇住d 囡囡劲歌热舞，食欲都大增啦！什菜沙律最早o黎，超大o既一碗(见图中同筷子o既比例)，最初我expect 就是平时出去食饭跟餐一个饭碗仔咁dur dur……不过今日会食咁多肉，都要啪番d 菜平衡下o既。等肉熟，食住d 小食先。韩式炸鸡少不免一定要点啦，仲点o左炸饺子同鱿鱼须。呢d 炸物真系好高水准，强烈推介，最初我以为系咪自己未有其他o野食觉得肚饿咋﹖但之后特登点多一round，真系好好食，一d 面粉/油膉味都无，充满咸香，值得一试！ 烧肉食得喇，雪花牛仔肉油脂分布均匀，厚切猪腩肉好juicy，烧完都唔会成旧干争争鞋涩涩咁。猪肠猪耳呢d 比较冷门o既o野都有得食，特别钟意佢d 猪肠，卤水汁腌得好入味好正呀！海鲜系是次晚餐o既重点之一，佢d 海鲜只有晚市先有得食o架。大虾大大只啖啖肉，扇贝
什菜沙律最早o黎，超大o既一碗(见图中同筷子o既比例)，最初我expect 就是平时出去食饭跟餐一个饭碗仔咁dur dur……不过今日会食咁多肉，都要啪番d 菜平衡下o既。
等肉熟，食住d 小食先。韩式炸鸡少不免一定要点啦，仲点o左炸饺子同鱿鱼须。呢d 炸物真系好高水准，强烈推介，最初我以为系咪自己未有其他o野食觉得肚饿咋﹖但之后特登点多一round，真系好好食，一d 面粉/油膉味都无，充满咸香，值得一试！
烧肉食得喇，雪花牛仔肉油脂分布均匀，厚切猪腩肉好juicy，烧完都唔会成旧干争争鞋涩涩咁。猪肠猪耳呢d 比较冷门o既o野都有得食，特别钟意佢d 猪肠，卤水汁腌得好入味好正呀！
海鲜系是次晚餐o既重点之一，佢d 海鲜只有晚市先有得食o架。大虾大大只啖啖肉，扇贝好香滑，鱿鱼圈烟烟韧韧。龙脷柳都唔错o既，大家烧时要落番多d 油，如果唔系会好似我咁黐底之后想起番佢出o黎结果旧鱼散开晒……扇贝同生蚝都系任点任食！不过烧o既时间亦相对会耐一点。
饮品雪柜有lotte 忌廉梳打、芒果同苹果汁等等，亦有其他soft drinks 同茶；如果想饮酒类饮品则要另外order (另外收费)，提供韩式汽酒、梅酒、啤酒、烧酒等等。
最后每位客人会送一款甜品，芒果、蜜瓜、椰子味韩国雪条或者时果西米露四选一，点o左蜜瓜雪条。雪芭o既质感，奶香滑腻，蜜瓜清甜。
铺头职员服务态度几唔错，下次可以再帮衬。
张贴
