日本野 (已結業)

话说上个月同朋友食饭，想食日本野，点知真系有铺叫日本野！所以即刻入去试下，点知大伏。。。叫左几样野，牛肉寿喜烧真系唔值得食，而且有少少甜，阵味好怪！而且得个几片牛肉，仲卖248一份，性价比低到无人有。总体味道一般，但248可以有更好选择！其次系芝士饺子，个搭配完全失败，炸饺子配芝士搞到皮变得好软，唔知系咪摆得太耐无送过黎，口感好差。而且芝士无味，芝士冇芝士味，感觉好似特登沟淡左。柚子鸡翼68一份（5只），汁太多，其实更加似糖浆多D，又系把酱料配埋炸野，鸡翼变得好软，而且汁太多盖过鸡翼的煎炸味，冇左原本鸡翼既香味，太失败，一D都唔脆。唯一可称赞既只有和风沙律，一粒粒既珠好得意同埋好新奇，沙律有口感几好味，感觉几新鲜。但系其实呢个唔系主菜啊，总体黎讲真系唔得，冇下次。