影片
更多
2016-12-31
417 浏览
30/12/2016 今年最后一次同我位好姊妹食饭，想揾间好食嘅,openrice完一轮，拣左哩间咁多like嘅，打去bk位，话分两轮，一系1830，一系2030，唔想咁夜食，唯有拣1830，一收工由黄竹坑赶到黎1840，问可唔可以照食两个钟，recep果位阿姐话：唔得㖞，你地bk 1830一定要2030交枱！ 我话真系赶得好辛苦，因为远… 佢先话：8：30 full booking吖！ 我话：咁算啦入到入面，个位冷气好大，叫左三次先有人关细少少，时间紧逼，已经一路写纸入单，之后我就去拎嘢饮，饮品唔多，啤酒好唔吸引，有乌龙茶同一d有气嘢～之后火㶽又话四位以下要加$20/位先可以食，变左种类又少左…刺身上了，有海胆送㖞，好鲜甜，甜虾大只，但要自己mok壳唔方便食，三文鱼好厚身但有冰，北寄贝都甜，但带子大得黎冇乜味，吞拿鱼唔好食因带酸，其他刺身大致都唔错！试左天妇罗：秋葵，蕃薯，蟹柳，软壳蟹等，质素都好高，炸物：多春鱼，鸡软骨都正，但写2都比左好多，食唔哂咁多…手卷：鳗鱼黎错蛋，三文鱼饭好多烧物：鸡翼，羊架，虾都烧太㶶了，虾最ok,因仲有鲜甜味，菠萝好juicy同甜前菜小食：如蟹籽沙律同芝
入到入面，个位冷气好大，叫左三次先有人关细少少，时间紧逼，已经一路写纸入单，之后我就去拎嘢饮，饮品唔多，啤酒好唔吸引，有乌龙茶同一d有气嘢～
之后火㶽又话四位以下要加$20/位先可以食，变左种类又少左…
刺身上了，有海胆送㖞，好鲜甜，甜虾大只，但要自己mok壳唔方便食，三文鱼好厚身但有冰，北寄贝都甜，但带子大得黎冇乜味，吞拿鱼唔好食因带酸，其他刺身大致都唔错！
试左天妇罗：秋葵，蕃薯，蟹柳，软壳蟹等，质素都好高，炸物：多春鱼，鸡软骨都正，但写2都比左好多，食唔哂咁多…
手卷：鳗鱼黎错蛋，三文鱼饭好多
烧物：鸡翼，羊架，虾都烧太㶶了，虾最ok,因仲有鲜甜味，菠萝好juicy同甜
前菜小食：如蟹籽沙律同芝麻酱豆腐都ok，但支豆太咸了，素翅好“欠”汁重又清淡
甜品：木槺布甸，焦糖布甸，抹茶puff都好食，但choice太少，雪柜得雀巢only,得几种雪条
服务：
有位男伙计好好人，传菜都好多嘢同我地讲，好好礼貌，要赞
但要一提食到冇耐，约19：10有六人入左黎，我地好奇，佢地系咪20：30走都肯呢？！
要睇落去先知，到20：05又有班人入黎，我忍唔住问，点解有人哩个时间，佢地又系食到20：30？ 个男伙计refer左比个recep女人同我地讲：佢地bk 20:30但有位咪比佢地入左先啰！ 我答佢：咁我下次系咪bk 20：30，早左有位就可以入啦？！ 佢又答：唔系架，佢地都要20：30先可以入单架！总之你地就20：30就要走！ 佢转头就走左 … 我再睇下啦，果班人明明落紧单，仲有嘢上比佢㖞，有d嬲啰，呃我地
20：30…个女人走埋黎叫我地走，但隔离几张枱吉架啰，我冇理佢，佢即刻叫个女伙记执左我地张枱，我忍唔住讲，咁多枱系咪一定要我地张枱！ 个女伙计一边执一边讲：我都系打份工架咋！ 我估recep个人可能系老板所以咁恶，咁冇计啦，我只好去埋toilet走人，去完出黎，点知我一出黎，我朋友话果个女人走埋黎话佢：两个钟啦都仲唔走！ 我朋友话等我去埋toilet姐，有咩问题，都冇食嘢啦！
其实又仲有位，但佢就一定要逼我地走，个阿姐d服务真系差到冇朋友，一肚气哩间冇下次！
张贴