香江茶餐廳

营业中

休息中

好少去柴湾，系附近行outlet，有人介绍去街市据扒，但去到太晏，关左。 之后周围行，就撞到呢间个脑即时好有共鸣既茶记。 香江茶餐厅。呢类型旧式茶餐厅 已经买少见少。老式几十年既装横，对比宜家一街连锁茶餐厅... 真正见证时代变迁。小时候长大既画面出哂黎。个人觉得有时食野味道真系唔系最重要一环。叫左椒盐骨饭 冻奶茶。味道称不上特别， 就可能因为呢种平凡，唔系特别好食，但一啖一啖食下食下就食哂。食既可以话系回忆，人情味, 一住食，一住好多回忆。 细个周围爬既绳网，火车架等等.. 同阿爸阿妈楼下楼上既邻居d仔女玩捉。等等.. 旁边仲有d旧式士多，呢个老区比我谂返起好多野。真系买少见少，希望呢d老铺老师傅可以支持落去。P.s. 碟饭好大碟，价钱便宜，各样都实属一般，呢个好评系支持佢地咁多年到宜家既坚持，份精神。