明洞Express (已結業)

同朋友去完行街街，夜晚7点半，一心谂住去食喜来稀肉先去e头食饭，不过人龙实在太长，结果就简左附近既明洞。好好彩，唔使等位就入到去， 第一次去去食，以自助形式买完排队自己拎，水，碗，酱都有，其实都算系好方便，不过铺头空间感真系好细，搅得自助既，条路就唔好单程线啦！行得入又行唔到出，仲要行出行入咁拎野食 出野食速度都快既，不过食物就麻麻地喇 每款主菜佢都会比汤同前菜你紫菜饭卷，卷得d饭太实，而且又冇咩味炸酱面，唔知系咪冻左我地先捞，已经变左一pat pat，而且味道麻麻泡菜拉面年糕，年糕仲未稔，唔知系咪为左配合香港人口味，唔太辣，想食正宗既就唔好简佢喇 牛肋骨汤，算系今晚最好食既野，牛肉稔身，而且仲有少少肥，汤唔会过浓，送饭一流 去到夜晚8点半，个老板娘同门口个带位，开始不断问我地食完未 由拎完野食，到佢问，中间得9个字，而且我地每样野食都仲有一半啰 第一次我朋友话饮埋杯野，第二次个老板娘走黎话人多，叫我地如果唔食，就让番张枱出黎，我地话食埋少少先，5分钟后老板娘就已经拎埋托盆过黎收野 喂，如果系咁，下次不如写明繁忙时间只可以坐一个钟啦！总括黎讲，食物质素普通，又冇服务可言