影片
更多
2015-09-13
1821 浏览
第一次系openrice留言，今日系三木食饭真系不吐不快。咁大个人第一次比餐厅black list，你地试过未?当然，我都black list咗呢间餐厅。首先系食物方面，款式算多但质素一般。熟食偏咸，搅到唔敢比小朋友食，蟹粥有怪味，带子刺身身超细粒，虾唔算新鲜，有D鱼生仲腥腥地。另外，餐厅D枱排到密麻麻，椅子想移后少少都冇位。不过二佰几食日本放题，我心中的要求都唔高。另我black list间餐厅系员工的服务质素。话说食客需要填纸落order，我地只系落咗一转order，点知手卷黎咗1转，又黎第2转。我地见黎到唔想浪费就照食, 点知又黎第3转，我地同个侍应(叫阿JAN)讲冇落order，佢一口咬定话有。我就同佢讲，你黎3转手卷，你比返3张order纸我睇。估唔到佢抛返我转头，好恶咁讲:系咪我揾到你就食? 我心谂你咩态度，不过见同屋企人庆祝生日，唔爆住:冇问题，你揾到咪放低罗。最后佢当然冇返黎。之后重搅笑，埋完单，我地起晒身准备走啦，阿JAN又出现，用命令语气讲: 你地D刺身要食多D。吓?咩叫食多D，我见其他枱都有食剩野，同点解要系刺身。佢接住话，食剩野要罚款。我到个一刻先知原来间餐厅有
当然，我都black list咗呢间餐厅。首先系食物方面，款式算多但质素一般。熟食偏咸，搅到唔敢比小朋友食，蟹粥有怪味，带子刺身身超细粒，虾唔算新鲜，有D鱼生仲腥腥地。
另外，餐厅D枱排到密麻麻，椅子想移后少少都冇位。不过二佰几食日本放题，我心中的要求都唔高。另我black list间餐厅系员工的服务质素。
话说食客需要填纸落order，我地只系落咗一转order，点知手卷黎咗1转，又黎第2转。我地见黎到唔想浪费就照食, 点知又黎第3转，我地同个侍应(叫阿JAN)讲冇落order，佢一口咬定话有。我就同佢讲，你黎3转手卷，你比返3张order纸我睇。估唔到佢抛返我转头，好恶咁讲:系咪我揾到你就食? 我心谂你咩态度，不过见同屋企人庆祝生日，唔爆住:冇问题，你揾到咪放低罗。最后佢当然冇返黎。
之后重搅笑，埋完单，我地起晒身准备走啦，阿JAN又出现，用命令语气讲: 你地D刺身要食多D。吓?咩叫食多D，我见其他枱都有食剩野，同点解要系刺身。佢接住话，食剩野要罚款。我到个一刻先知原来间餐厅有咁既规矩。我问佢其他人系咪都有罚款呀，佢又话有。其实我并唔系想浪费，不过食剩𠮶D刺身真系唔好食。我就同阿JAN讲，你经理系唔系度，不如等我同佢讲。阿JAN: 我就系经理。我火都黎，再问:咁不如我同你老细讲啦。佢表情KEEP住面黑:老细唔系度。我:唔系度就叫佢打比我。我头也不回就走了。
戏玉黎啦，唔够2分钟，有位男经理打比我，问有咩帮到我。我心谂你有咩可以帮我? 不过见你打到黎我点都讲2句: 你经理阿JAN点点点… 好冇礼貌WO。点知个男经理即刻著火: 我地已经black list咗你，唔欢迎你再黎。好野，我第一次比人black list，我问:你叫咩名? 男经理: 我叫….(讲咗个英文名)。咁啱入Lift听唔清楚，我叫佢再讲多次。男经理: 如果你英文唔好，驶唔驶我讲中文名比你听，我叫蔡子健，欢迎你投䜣，但处理投䜣𠮶个都系我。
今日除咗比人black list，重要比人话英文差，另外投䜣都冇用，最后只好系OPENRICE留言。有点长，不过真人真事，多谢收看。
张贴