大壹冰室 (已結業)

同朋友约系荃湾聚旧，因为大家都一时谂唔到食乜，最后我揸主意去大壹冰室食。呢间舖头我之前都帮衬过好几次，环境靓，食物大件夹抵食，质素高，次次带亲朋友去都有赞无弹，但唔知系咪太耐无去，觉得今次质素差左好多……呢间舖头一向都无得拎筹既，想食就要排队，每次大概都系排15 mins左右就入得去。今次我地叫左两个主菜，无叫任何小食。西西里鲜茄焗牛柳粒饭 ($88)呢个系朋友叫的，佢话牛柳粒煮得太熟，好韧，觉得一般。黑松露香菇大虾意粉 ($78)今次我叫左呢个意粉食，自己食意粉都系食开白汁，无乜试过唔好食，但今次呢个意粉真系有D失望，个汁真系煮得几难食，有种怪怪的味道，又或者系份量都算多，总之最后坚持食左三分二左右就食唔到落去啦。我自己叫左杯冻华田，朋友叫左冻奶茶，出到黎杯野饮都系劲浅色，饮落口无乜味，得阵甜味，完全唔好饮。今次我对呢个餐厅系有D失望，又或者系因为我地叫既野食我之前都未试过，之前食开日式蛋包饭或者佢个铁板餐其实都好出色。所以我下次会再黎试下，会比多次机会呢间餐厅。