影片
更多
2006-05-14
10 浏览
5/12 (星期五)有时候念去边度食LUNCH都几难念。唔系0寻日帮衬过唔想连续第二日再去﹐或者系0甘0岩D0野唔系好合心意﹐就系一些已经被我blacklist0左0既地方。今次又遇到0甘0既情况﹐0系街上游0左差唔多成25分钟﹐都找唔到令我想入去的地方。由弼街开始南面至由旺角道﹐再番转头北面至太子道西﹐期间西洋菜街洗衣街通菜街都比我行过晒﹐但系都无心水。突然想起好耐无食过烧味﹐所以最后就0黎到太兴。我偶然先至会帮衬一次﹐大概系觉得价钱同质量不太成正比吧。我帮衬0既目的就可能系因为这店有单人卡位﹐同埋唔会好爆﹐有人搭抬0既机会唔会好高。坐得几舒服﹐热奶茶或冰镇奶茶都OK吧。这些因数加埋都可以令我偶然帮衬一次。其实如果想食烧味﹐大可以选择"千烧百味"﹐抵食之余质数绝不比太兴差。新世纪广场foodcourt有分店﹐不过真的厌倦了同班学生哥争位。我食0既系双拼套餐﹐有切鸡烧鹅﹐加杯热奶茶。今次觉得比之前进步0左。我每次都会要求要胸位的﹐不过之前几次帮衬﹐鸡同烧鹅肉都比较薄﹐比较细0旧﹐唔系太多肉食。今次就好少少﹐比较大0旧。烧鹅唔肥之余皮厚厚地﹐但系咬落去少少油渗出0黎﹐一阵烧鹅香...感觉
有时候念去边度食LUNCH都几难念。唔系0寻日帮衬过唔想连续第二日再去﹐或者系0甘0岩D0野唔系好合心意﹐就系一些已经被我blacklist0左0既地方。今次又遇到0甘0既情况﹐0系街上游0左差唔多成25分钟﹐都找唔到令我想入去的地方。由弼街开始南面至由旺角道﹐再番转头北面至太子道西﹐期间西洋菜街洗衣街通菜街都比我行过晒﹐但系都无心水。突然想起好耐无食过烧味﹐所以最后就0黎到太兴。
我偶然先至会帮衬一次﹐大概系觉得价钱同质量不太成正比吧。我帮衬0既目的就可能系因为这店有单人卡位﹐同埋唔会好爆﹐有人搭抬0既机会唔会好高。坐得几舒服﹐热奶茶或冰镇奶茶都OK吧。这些因数加埋都可以令我偶然帮衬一次。其实如果想食烧味﹐大可以选择"千烧百味"﹐抵食之余质数绝不比太兴差。新世纪广场foodcourt有分店﹐不过真的厌倦了同班学生哥争位。
我食0既系双拼套餐﹐有切鸡烧鹅﹐加杯热奶茶。今次觉得比之前进步0左。我每次都会要求要胸位的﹐不过之前几次帮衬﹐鸡同烧鹅肉都比较薄﹐比较细0旧﹐唔系太多肉食。今次就好少少﹐比较大0旧。烧鹅唔肥之余皮厚厚地﹐但系咬落去少少油渗出0黎﹐一阵烧鹅香...感觉良好...反而个热奶茶的茶味就好似比之前无0甘香浓﹐就系差0个少少....
个餐$38(冻饮仲要加3蚊)﹐我都觉得唔系0甘抵0架﹐因为这个价钱0系其他地方可以吃得还要好。难怪之前同我一齐帮衬过0既几个同事而家一听到太兴都洒手拧头﹐佢地0既feedback都系话唔系0甘抵。而我呢﹐如果地方可以坐淂舒舒服服﹐食完烧鹅可以饮杯奶茶提提神﹐比多几蚊偶然一次都无所谓。
张贴
