Yogo Frozen Yogurt (已結業)

以前肥髀游完水，一定会去呢度食乳酪，自从转咗地方学，已经好耐无嚟过，今日经过，肥髀当然唔放过缅怀嘅机会上一年好兴食乳酪，当时开咗好多乳酪店，不过热潮一过，已经折咗好多间，呢间以前由职员帮手唧乳酪同埋配料，今次嚟已经可以自己动手「毕」配料，职员只唧乳酪！肥髀拣咗佢至爱士多啤梨乳酪，唧乳酪嘅姐姐见佢细，只系唧一小团比佢，佢自己拣咗椰果，桃肉，同埋芒果，我平时唔比佢拣糖果类嘅配料（因为我觉得既然乳酪系健康食品，配料又拣晒啲糖果朱古力，又有乜意思）今次比佢拣一款糖果，佢拣咗熊仔糖！然后先去最尾嘅柜枱秤，依重量比钱，今次$23!乳酪味道同以前无乜分别，因为呢间声称唔会额外加糖（即系乳酪嘅甜味来自水果本身），所以唔会太甜，但唔系每种水果都夹乳酪，之前试过南瓜芋头呢啲甜味不强嘅蔬菜类，味道唔太突出！但配料种类以前以水果为主，水果种类亦多，贵啲嘅蓝苺草苺都有，但今次就见唔到呢啲水果（或者今日咁啱无？），仲多咗糖果类同粟米片嘅配料占嘅比例大咗！所以觉得比以前逊色！