動物穴 (已結業)

🔸动物穴🔸🔆有冇人都好似我咁，一直都好想好想养猫，但因为屋企环境唔系太适合，一直都未有机会养。今次有机会系动物穴睇下同摸下啲咁可爱嘅猫猫真系好开心呀。仲有小小野可以食，所以好想同大家分享下~🔆今次依间猫cafe系观塘，距离地铁站5分钟路程，不过门口就有啲隐闭，大家可以参考佢社交平台嘅教学揾到佢门口。入去之前都要著佢地嘅袜同消毒双手。入到去见到地方有2层，非常非常之宽躺，就算眼见到有好多猫，都唔会觉得逼，除左咁多猫猫之外，仲有2只🦁先生最中意的雪绍。咁始终都比较多动物，难免会有小小味，但我觉得可以接受的。🔆我地系平日6点几去，佢就有个用餐优惠，138/1.5hr包埋食物。唔同时间去都会有唔同优惠，大家可以系佢地社交平台睇到更多详情!🔆前菜佢地前菜唔一定次次都一样，我地今次系芝士年糕。年糕都烘到暖暖，好chewy，芝士就冇拉丝，但咸咸地几好食。🔆公司三文治公司三文治相对就干啲，主要配料系午餐肉同蛋。但胜在大大份。🔆菠萝猪扒焗饭焗饭热辣辣，猪扒软熟又有咬口，啖啖肉，亦唔会劲酸个只茄酱。我地一致觉得佢几好食。🦁先生话佢好食过大X乐焗猪扒饭😂😂信不知由你啦就。🔆甜品就简单雪糕同小蛋糕，味道就普通