影片
更多
2009-12-30
27 浏览
昨天晚上同bb2人, 去呢间沙嗲王食饭, 之前去荃湾呀, 铜锣湾同旺角都唔错, 谂住呢间都ok la, 点知...每间出品都唔同水准.昨晚2人大约7:45到达, 门口好多人等紧位, 因为2人关系, 都只系等咗一阵, 算快. 安排咗我地坐楼上梳化位. 一坐低, 即刻有侍应哥哥放低水比我饮, 睇咗阵就"禁" 点菜掣叫人落order. 个四眼侍应哥哥用急脚步行埋嚟, 用高八度声线, 仲要系放大喉咙果只讲嘢, 我地每叫一样𩠌, 佢就大声话..."哦, 好呀, 都好呀", 前后加埋都讲咗成10次, 几搞嘢.龙虾汤 : 味道ok, 但犯咗最大致命伤....唔热, 暖暖地, not good !白咖喱猪扒饭 (套餐) : 一如以往水准, ok !脆虾棒 (半份, 跟餐) : 热辣辣炸出嚟, 但唔够咸, just ok !珍珠奶茶 (跟餐 ) : 麻麻地, 饮到阵奶粉冲既味, 但跟餐, 就无咩要求.芒果布甸 (跟餐 ): 食到啫喱粉味, 但唔好味果只, 食咗一啖, 放弃 !沙嗲牛肉粉丝 : 沙嗲唔够浓, 粉丝未开得晒, 牛肉系打边炉既肥牛, 过肥....唔得 !泰式酸辣凤爪 : 又唔酸又唔辣, 似白恰
昨晚2人大约7:45到达, 门口好多人等紧位, 因为2人关系, 都只系等咗一阵, 算快. 安排咗我地坐楼上梳化位. 一坐低, 即刻有侍应哥哥放低水比我饮, 睇咗阵就"禁" 点菜掣叫人落order. 个四眼侍应哥哥用急脚步行埋嚟, 用高八度声线, 仲要系放大喉咙果只讲嘢, 我地每叫一样𩠌, 佢就大声话..."哦, 好呀, 都好呀", 前后加埋都讲咗成10次, 几搞嘢.
龙虾汤 : 味道ok, 但犯咗最大致命伤....唔热, 暖暖地, not good !
白咖喱猪扒饭 (套餐) : 一如以往水准, ok !
脆虾棒 (半份, 跟餐) : 热辣辣炸出嚟, 但唔够咸, just ok !
珍珠奶茶 (跟餐 ) : 麻麻地, 饮到阵奶粉冲既味, 但跟餐, 就无咩要求.
芒果布甸 (跟餐 ): 食到啫喱粉味, 但唔好味果只, 食咗一啖, 放弃 !
沙嗲牛肉粉丝 : 沙嗲唔够浓, 粉丝未开得晒, 牛肉系打边炉既肥牛, 过肥....唔得 !
泰式酸辣凤爪 : 又唔酸又唔辣, 似白恰咁, 唔知想点, 唔得!
蒜容牛油鸡翼 (半份) : 呢个都系热辣辣炸出嚟, 但又系唔够味, 但胜在够热, just ok !
整体系唔合格, 沙嗲理应系味道较浓, 但呢间分店做唔到, 嘢食唔够热, 仲有, 琴晚间餐厅好焗, 唔够空气流通, 食完嘢落返街, 成个面红晒. 但位置系尖沙咀闹市同埋一个几平既价钱, 所以就唔可以太高既要求啰. 不过, 如果我下次系附近, 我唔会再嚟, 我会选择转弯乐道间BIG JOHN, 起码人地有心思, 有诚意啲先啦!
2人合共$156.2 (连加一)
张贴