滿樂中菜 (已結業)

听闻呢度新开，请咗好多大厨帮手 set up，梗系去试吓啦，是晚除了棒场外，我特意来食叉烧同烧鹅，仲有翅。餐单是我提早订的，餐单如下:蜜汁叉烧烧鹅半只花胶海皇翅芝士焗龙虾（伊面底）黄金蟹盖 （4只）瑶柱扒四宝菜红豆沙生果盆4位吃，饱到打包一半，叉烧唔洗问，陈师傅名技，食过太平洋会嘅就知，烧鹅个皮系脆嘅，连鹅胸都好嫩唔柴，翅很足料，大大条的，份量亦很多，基本上已经饱了一半; 龙虾很新鲜，熟度啱啱好 ，略嫌伊面份量较少；黄金蟹盖啖啖蟹肉，瑶柱扒四宝菜真是分开四类菜，并非炒埋一碟；最后碗红豆沙真系好正，陈皮味恰当。现在很少中餐馆有呢个水准，并非粗制滥造。