影片
更多
2016-02-02
372 浏览
出开铜记办年货，行行下见到呢间WAFFILLS，俾佢门口既易拉架吸引住，馒头窝夫汉堡？有无咁玩野呀？就黎试下。舖头细细，只能够容纳十几位客人，但座位唔迫狭，坐得舒服。馒头窝夫汉堡一共有五款口味，但基本上馅料就系牛肉同鸡肉两款。咪讲咁多，好肚饿，叫两份试下：芝士窝夫汉堡($58)、香烤鸡肉烟肉芝士窝夫汉堡($68)。我特登将馒头分开黎食，味道同平时食既中式馒头差不多，甜甜地，但因为馒头表面经过烤焗，所以多左一分香脆。汉堡扒好有分量，够晒厚，同溶左既芝士一齐食，有咸香，包入面仲有新鲜蔬菜同番茄，可以减低肉食既油腻感。另一个香烤鸡肉烟肉芝士窝夫汉堡，材料更加丰富，鸡胸肉前得香嫰，烟肉肥瘦适中，唔会话食到成口油。两个之中，我更钟意呢个，因为块鸡胸实在好味！食完主食，无理由唔叫甜品既！我拣左「雪糕苹果批窝夫」($86)，因为，佢竟然系有馅既！出面既餐厅比较少有。窝夫既味道唔太甜，啱晒为食又怕肥既女士，佢既香甜味，主要黎自外面既糖霜同玉桂粉；用刀将窝夫切开，会见到窝夫皮好薄，入面全部都系苹果馅，酸酸甜甜够开胃。唔好忘记上面既雪糕，我拣左「香蕉焦糖饼干」味，出面少有。原来呢度既雪糕分左两种价钱，一种
舖头细细，只能够容纳十几位客人，但座位唔迫狭，坐得舒服。
馒头窝夫汉堡一共有五款口味，但基本上馅料就系牛肉同鸡肉两款。咪讲咁多，好肚饿，叫两份试下：芝士窝夫汉堡($58)、香烤鸡肉烟肉芝士窝夫汉堡($68)。我特登将馒头分开黎食，味道同平时食既中式馒头差不多，甜甜地，但因为馒头表面经过烤焗，所以多左一分香脆。汉堡扒好有分量，够晒厚，同溶左既芝士一齐食，有咸香，包入面仲有新鲜蔬菜同番茄，可以减低肉食既油腻感。
另一个香烤鸡肉烟肉芝士窝夫汉堡，材料更加丰富，鸡胸肉前得香嫰，烟肉肥瘦适中，唔会话食到成口油。两个之中，我更钟意呢个，因为块鸡胸实在好味！
食完主食，无理由唔叫甜品既！我拣左「雪糕苹果批窝夫」($86)，因为，佢竟然系有馅既！出面既餐厅比较少有。窝夫既味道唔太甜，啱晒为食又怕肥既女士，佢既香甜味，主要黎自外面既糖霜同玉桂粉；用刀将窝夫切开，会见到窝夫皮好薄，入面全部都系苹果馅，酸酸甜甜够开胃。唔好忘记上面既雪糕，我拣左「香蕉焦糖饼干」味，出面少有。原来呢度既雪糕分左两种价钱，一种贵价既系比利时来路货，另一种相宜既系本地雀巢。咁我呢款咁特别既，当然系来路野，雪糕入面有脆脆饼干粒，香蕉同焦糖味都突出，好味！张贴
