十二味熱辣火鍋莊

营业中

休息中

石塘咀一间十二味热辣火锅庄，外观 红当当好易认，里面挂满咗红色嘅灯笼 ，好有中国色彩。进入火锅店， 见佢个空间都几阔落， 初时以为唔系好多人，但系原来发觉店里面有分前舖同后舖，原来前铺已经坐满咗人，所以店员就安排我坐咗喺后舖 坐低冇几耐就已经攞咗茶水畀我， 服务都算唔错。再嚟睇下menu, 因为自己一个人过嚟食，所以其实都唔会打边炉，就想试下佢嘅四川菜睇下好唔好食。本人几钟意食鳝，佢有一个沸腾脆鳝，感觉个名都几得意就点咗， 问咗店员佢话唔会太辣但系有好多香料，感觉上好适合我，因为我钟意食辣但系又唔食得太辣。 另外再点咗一个拌面。沸腾脆鳝一上碟，见到满满嘅红辣椒，感觉吓咗一跳 ，但系店员同我讲佢其实唔系太辣，只系个样有啲恐怖所以就即管试一试。拨开辣椒𠮶下仲听到下面啲滚油卜卜嘅声音 ，感觉好得意， 食辣确实唔系太辣反而麻嘅感觉多d，脆鳝煮得脆嫩可口， 师父差不多将所有嘅骨都踢走咗，所以咬落嘅时候完全系唔需要怕有骨。至于呢个葱油拌面个人觉得味道都算唔错嘅，其实一真系豉油抄面嘅感觉。整体而言系唔错嘅可以试一试。