魔術兔曲奇 (已搬遷) 新店位置

我平时好少去银行中心，今次过嚟拎顺丰快递，经过呢间曲奇店见到装修超靓，系我最钟意嘅兔仔，于是入去睇睇。门口只兔仔好大只，即刻影咗张合照。见到啲曲奇盒都有好多兔仔，而且系超级少女心嘅粉色系，劲cute!迟啲新年都要买曲奇礼盒拜年，于是决定买一盒试吓，都担心外表靓但系唔好食嘅话送俾人唔系咁好。点知都几有惊喜㖞，曲奇好松化，入口即溶，而且牛油味够香，同埋价钱都OK。我个人最钟意咖啡味，够浓郁。不过都仲谂紧送俾人嘅话可能买呢一种独立包装都唔错