稻香訓練酒樓 (已結業)

呢间稻香训练酒家，点心原来几多款色，服务又几好，侍应们态度算亲切，整体水准都满意。最喜欢呢个客家炒肠粉，其他酒楼通常都会食xo酱炒肠粉，呢间就有呢款「客家炒肠粉」，肠粉够滑，老抽味浓，本人喜爱老抽，所以十分啱口味，还有椰菜一齐炒，椰菜清甜有菜味。「虾饺」，「烧卖」都好味，一笼一粒。虾饺只虾大大粒够爽口，调味适中，虾饺皮很软滑。烧卖虾肉都爽口，猪肉也够口感，不会太肥，无咩肥猪肉。「炸豆腐粒」够干身，处层脆口，内里豆腐够滑，盐味足够，而且好够热。「排骨陈村粉」排骨好入味，尤其豆豉味好够，所以渗入去啲陈村粉当中，啲粉都好够豆豉汁。「例牌义烧」𠮶样其实唔系几吸引，睇落好似好硬，但食落口原来几谂，蜜味又足够，算系几唔错嘅义烧。「烧鹅」有火热住，所以一路食都够热。皮都好够脆，肉质够鲜，算得有水准。