爵士拉麵

营业中

休息中

好耐以前仲系两夫妇经营时开始帮衬，欣赏佢哋用心经营嘅食品质素同服务态度。相隔多年后再帮衬，面目全非，但因为自己无谓嘅帮衬黄店坚持，都继续帮衬多4次。最核心嘅拉面，不论汤底/面/配料都变为求其嘅港式拉面，只有价钱唔港式。饺子不伦不类，分唔到系京式煎饺定系日式。不过炸年糕系唔错嘅。服务态度。。。就令我非常惊讶。听闻间铺传咗比太子女，经常黑面粗声粗气嘅太子女领导下，其他员工嘅态度都极为一致。重新帮衬嘅4次总会见到闹送货或粗声粗气对待顾客，好经常听到话顾客阻住条路，点菜时会同个客讲：讲啦！送菜时见个客睇紧电话无留意到，会大声呼喝。。。无一次见到员工系开心嘅，每次都系做到唔想做，觉得有客入去系阻住地球转。与其传比下一代接手会落得如此下场，宁愿当时两夫妇决定退落嚟时直接关门大吉，起码留返个美好回忆比顾客。真系唔会再有下次嘅领教喇。ByeBye属于回忆嘅爵士拉面。