火鍋撚 (染布房街) (已結業)

次次去台湾都要狂打边炉,但最近冇时间去,好彩香港都开左间同台湾无老锅好似既火锅店,仲系旺角咁方便,一于试试佢!汤底可以拣鸳鸯,拣左一个唔辣既滋润汤同一个麻辣汤。麻辣汤真系好正啊!小辣既辣度都好够,佢真系几麻,但又唔会太油,入面好多花椒,完全唔会偷工减料!仲可以叫个红薯粉,同麻辣系绝配啦!但点心就有D怪,估唔到D点心会系冻上,要自己再放落锅度煮,煮完其实会变晒味,就好似呢个水晶奶皇包咁,本身系甜既,放入咸既汤度煮,完全唔夹!牛肉一块块咁挂系度好吸引,呢只安格斯牛虽然话系肥牛,但又唔系太肥㖞!而且牛味够浓!LIKE!咸蛋蒸肉饼就食得多,但咸蛋猪肉丸就第1次食,猪肉丸入面有咸蛋黄,食起上黎真系几似咸蛋蒸肉饼,搞笑得黎又几好食!食到最后,每个客人都会有杯「毒酒」,次次都唔同,有时系糖水,我地果晚就系五花茶,岩晒打完边炉清清热。