大同老餅家 (已搬遷) 新店位置

喺健之堡实惠睇啱咗张油压椅，打算买俾亚仔，老公问我仲有无其他嘢想买先返屋企，突然想食老婆饼，便叫老公陪我行去北角道嘅大同买，途中当然少不免被老公润两句，话你啲女人，为咗食想食嘅嘢，行几远都唔怕攰，唔怕脚软，真无晒你乎。算啦，鬼叫自己为食咩，一于置若罔闻，照去买。因为老公唔钟意食呢啲零食，所以只系买俾我同亚仔食，买咗 原味老婆饼 ($3.5@) 及 豆沙老婆饼 ($4@) 各两个。拿上手仲感觉到有少少热，回到家即刻切开嚟食，两款老婆饼嘅外皮都甘香松化，不过个豆沙馅味道略为甜咗少少，反而个原味老婆饼里面嘅糖冬瓜馅，清甜唔腻，非常美味，我觉得大同嘅老婆饼比恒香更好食，唯一可惜系销售点太少了。