影片
更多
2008-10-09
57 浏览
呢間野我去過幾次,通常都係 放工同班同事食晚飯聯誼下, 價錢方面可能真係貴左d, 不過我覺得物超所值呀!!我地叫左唔係好多野食, 但係我地覺得樣樣都好好食!!首先講一講四川牛肉先啦, 佢又香又辣, 佢雖然係辣呀, 不過我覺得接受到呀!!(可能本人比較食得辣)但係真係好香呀, 會忍唔住不斷咁食呢碟野呀!!不過好可惜我上個禮拜去果陣我已經係個餐牌到搵唔返啦, 真係好想再食多次!!我覺得呢碟野最好ge地方卜3係清晒成碟野之後佢個碟係無油咁制, 你地知平時食果d小炒果d油真係多到你唔信架啦, 但係呢碟真係可以用無黎形容lor, 我真係覺得整果位師父好西利!!另外值得一讚ge就係佢地ge叉燒真係好好食, 又熱, 而且肥瘦岩岩好, 食落去真係好有果種入口即溶ge感覺!! 同平時食開茶餐廳燒味飯果d叉燒真係爭好遠lor......真係好食勁多倍呀!!送飯一流!!不過都有d唔係咁好, 佢d點心麻麻, 有d唔係好熱, 其中我地叫果個蝦餃竟然係唔熟果lor..我心諗..唔係呀ma...未熟都可以羅出黎serve ge!?不過就係因為見佢其他都幾好..都費事嘈, 就咁cancel左佢算了...其他點心都真係
另外值得一讚ge就係佢地ge叉燒真係好好食, 又熱, 而且肥瘦岩岩好, 食落去真係好有果種入口即溶ge感覺!! 同平時食開茶餐廳燒味飯果d叉燒真係爭好遠lor......真係好食勁多倍呀!!送飯一流!!
不過都有d唔係咁好, 佢d點心麻麻, 有d唔係好熱, 其中我地叫果個蝦餃竟然係唔熟果lor..我心諗..唔係呀ma...未熟都可以羅出黎serve ge!?不過就係因為見佢其他都幾好..都費事嘈, 就咁cancel左佢算了...其他點心都真係只可以話一般, 同係出面其他酒樓果d水準差唔多
而有另一樣野可以改善ge就係環境lor, 雖然佢果度係暗暗地, 拍拖其實幾好feel, 暗暗地我個人幾buy, 因為我唔鍾意好光ge地方, 但係樓面就有d亂啦我覺得, 成日叫人黎都無人應我地, 一係'哦'完一聲之後唔見左人, 一係就要等好云先返黎幫你落單, 我又唔見得佢係唔夠人wor, 我都見好多人係度行黎行去ga!? 而且又漏單, 叫左個4季豆炒帶子崔左佢2次先黎lor, 真係差唔多咩都食晒佢先黎, 呢個就真係要改改佢la!
anyway, 我覺得呢間野其實俾我impression幾好!!因為我真係好鍾意佢個四川牛肉!!我覺得幾值得一大班人去食, 唔錯!!
张贴