十三姨 (通菜街)

营业中

休息中

虽然朋友话麻麻地，不过我都系想试过先判断佢伏唔伏，期待咗好耐，今日终于去食喇！未开门已经有差唔多10个人系到排队，大部分都系内地同胞黎。入到去都算多位，一开头会免费上碟虾片比你，请不要怀疑，已经系成餐最好味嘅嘢😋见个虾片咁好味道令我对个饭期待更升一层楼，等左冇耐，就上咗嘢饮同个饭。个卖相都ok，好似几惹味，打完卡之后就捞捞捞个饭开始食。咬咗一啖个鹅肝，苦苦地？一开始怀疑系我饮完杯野再食嘅问题，不过食到最后依然系苦的🫰🏻另外就系，个xo酱唔够惹味，成个饭捞完都系唔够味咁，非常普通，甚至可以话系难食。成餐饭体验欠佳，食得好辛苦，个鹅肝好油腻，成个饭都偏漏，个份量都算几多，最后都系食唔晒。最扣分嘅位系𠮶后生仔店员冇啦啦走出门口食烟，全部烟味攻晒入黎，劲臭，闻到就劲唔开胃，饭都唔想食🤢真心用呢个价钱可以食到更好味嘅野，呢间真系可一不可再。