魚屋

营业中

休息中

平时去日本餐厅食西京烧比目鱼定食基本都要$148以上的价钱，但呢间的烧比目鱼价钱只系三分一，仲要好食过好多餐厅，又香甜又有油香！性价比超高！白饭加$10仲可以追加明太子/蟹肉/吞拿鱼蓉等！最好味都系配明太子，咸香一绝！定食跟一碗三文鱼面豉汤，有萝白鱼肉煲，唔会一味死咸！ 值得一提嘅系佢跟埋嘅泡菜萝白条，咸辣𩠌饭一流，但可能有少少抢左鱼味！另一款抵食之选系三文鱼头，去居酒屋食个鱼头都$68，但呢间食只需$38，边到揾！不过三文鱼头始终肉唔多，可能无咁饱肚！虽然坐位系bar枱形式，坐就唔会坐得耐，但咁既价钱真系无咩要求！