影片
更多
2021-05-30
2384 浏览
早排个脑成日 loop 住 Viet Spa，跟住见 FB 回顾两年前五月又正正喺越南风流快活，结果忍唔住就走咗去食有传系全香港最好食嘅越南嘢。越发地道河内料理一直好想试，无奈佢冇得订位，舖入面又细得十几个位，次次经过门口都大排长龙，每次都望门兴叹。今次决心好大，冒住三十几度高温大汗叠细汗企喺门口排队🥵。总算皇天不负有心人，企咗廿分钟左右就有位，谢主隆恩🙇。一坐低，店员送上一杯水，饮一啖，浓浓嘅班兰叶味充斥口腔，感动😭。虽然我系牛魔王，但系一场嚟到，当然要试佢哋个名物炭烧猪肉越南檬粉，呢个又叫做奥巴马粉，因为奥巴马 2016 年去越南外访时喺河内食过。等食期间，叫多杯越南柑桔冰茶，柑桔每星期由越南空运抵港，味道酸中带甜好清新，不过冰茶就略嫌甜咗少少。食物上枱，负责人过嚟介绍食法：首先将罗勒，薄荷叶，芫茜等香草摵碎（愈碎愈好）放入酱汁内，然后每次夹一份檬粉（厨师已预先将檬粉分为十小份）蘸酱汁进食。酸酸甜甜嘅酱汁入面本身已经有烤猪肉丸同烤猪肉片，一加埋香草，真系不得了，好食到飞起😍，系我食过最好食嘅炭烧猪肉檬。同负责人倾咗阵，我话呢个檬粉比我喺胡志明市食过嘅更加好食，佢解释因为呢个系越北地
越发地道河内料理一直好想试，无奈佢冇得订位，舖入面又细得十几个位，次次经过门口都大排长龙，每次都望门兴叹。今次决心好大，冒住三十几度高温大汗叠细汗企喺门口排队🥵。总算皇天不负有心人，企咗廿分钟左右就有位，谢主隆恩🙇。
一坐低，店员送上一杯水，饮一啖，浓浓嘅班兰叶味充斥口腔，感动😭。虽然我系牛魔王，但系一场嚟到，当然要试佢哋个名物炭烧猪肉越南檬粉，呢个又叫做奥巴马粉，因为奥巴马 2016 年去越南外访时喺河内食过。等食期间，叫多杯越南柑桔冰茶，柑桔每星期由越南空运抵港，味道酸中带甜好清新，不过冰茶就略嫌甜咗少少。
食物上枱，负责人过嚟介绍食法：首先将罗勒，薄荷叶，芫茜等香草摵碎（愈碎愈好）放入酱汁内，然后每次夹一份檬粉（厨师已预先将檬粉分为十小份）蘸酱汁进食。酸酸甜甜嘅酱汁入面本身已经有烤猪肉丸同烤猪肉片，一加埋香草，真系不得了，好食到飞起😍，系我食过最好食嘅炭烧猪肉檬。
同负责人倾咗阵，我话呢个檬粉比我喺胡志明市食过嘅更加好食，佢解释因为呢个系越北地道菜，而且佢哋又将个酱汁由传统嘅冻食转为热食，发觉效果更佳，更能带出鲜味。我问佢点解 menu 冇另一河内名物鸡蛋咖啡，佢话因为每杯制作时间要成七分钟，时间上较难实行，不过佢又透露正积极研究方法，相信不久将来应可推出。
哗，呢个真心期待😍😍。
张贴
