嫲嫲辣辣 (福榮街) (已結業)

朋友介绍已经一段时间，话佢地个海鲜锅好正好新鲜，终于经开深水埗就试下啦！坐得迫唔在讲，成间铺主要都系操国语既女人，伙计同食客都系。好钟意叫d二人台转位去俾三/四人，好彩无叫太多，唔系张台摆都唔够位摆。叫左个中辣既香辣大蚬肥肠锅，个猪大肠炸到脆一脆，不过蚬就间唔中有一两只有少少沙，尚可接受，味道讲真一d香辣味都无，虽然好似好多辣椒，但去大排挡叫个鼓椒炒蚬都仲惹味d！辣度：1/2只🌶个口水鸡无得拣辣，话系招牌咩祖传红油呀⋯⋯要系咁点个油先有少少麻辣味，但个鸡肉唔梅，算系中上。辣度：🌶利申：本人嗜辣但唔算食得辣（谭仔麻辣二小🌶，最尽小辣），志愿系挑战特特多麻！仲以为佢会好辣，点知完全冇料到，等我仲一早叫定支鸿福堂盛惠$16 ，但其实成餐饭食完我一啖都冇饮过，去对面U购买应该都系$6！后记：何谓沙圈，相信过开大海既师兄一定唔会陌生，入去呢间餐厅坐低你就会知道我讲嘅系咩感觉，我未去过东莞，唔知系咪都系咁样。隔离枱上演嘅情欲对话，10分花生🥜，仲有对面枱两女一男，娱乐性极高。不过我就一般，对住呢啲质素， sorry应该冇下次！Closerice。